Осол, гэмтлийн улмаас нас барагсдын тоо нэмэгджээ

Мянганы сорилын сангийн Эрүүл мэндийн төслөөс осол гэмтлээс үүдэлтэй нас баралтын тоо нэмэгдэж байгаатай холбоотой энэ төрлийн эндэгдлийг бууруулах талаар ярилцлагыг энэ сарын 11-нд ЭМЯ-ны хурлын танхимд зохион байгуулах гэж байна. Хурлын үеэр Монгол Улс дахь зам, тээврийн осол, гэмтэлд чиглэсэн яаралтай тусламжийн нөхцөл байдлын тухай ярилцаж, цаашид юу хийх талаар зөвлөлдөх юм байна. ДЭМБ-аас гаргасан мэдээллээр 2020 он гэхэд ослоор нас барах хүний тоо 8.4 саяд хүрнэ гэж үзжээ. Нас баралтын шалтгааны есдүгээрт осол, гэмтэл, хүчирхийлэл бүртгэгдсэн аж.