Бэлэн байдал цуцлагдав уу гэсэн шиг “бут авчээ”

Өндөржүүлсэн бэлэн байдал цуцлагдсаны маргааш буюу өнгөрсөн баасан гаригт нийслэлийн хэмжээнд 386 хүн эрүүлжүүлэгджээ. Энэ нь томоохон баяр ёслолын үеэр л сонсогддог тоо гэнэ. Эл өдөр архи, согтууруулах ундаа хэтрүүлэн хэрэглэснээс болж гэмтсэн хүний тоо 38-аар нэмэгджээ. Хамгийн харамсалтай нь дээрх эрүүлжүүлэгдсэн хүний 30 хувийг эмэгтэйчүүд, тэр дундаа 25-30 насны бүсгүйчүүд эзэлж байгаа гэнэ. Нийслэлийн хэмжээнд өнгөрөгч баасан гаригт иргэд, байгууллагаас гэмт хэрэг, зөрчлийн тухай 822 мэдээлэл хүлээн авсан нь ч ердийн өдрүүдийн рекордыг эвдлээ хэмээн Нийслэлийн цагдаагийн газрын хэв журмын хэлтсээс мэдэгдлээ