Ховд аймгийг урд хөршөөс цахилгаанаар хангана

БНХАУ-ын Шинжаан-Уйгурын өөртөө засах орны Алтайн тойргийн Тайкешкен хотод Монголын Ховд аймагт цахилгааны эрчим хүч нийлүүлэх тухай хэлэлцээрт гарын үсэг зуржээ. Тухайн хэлэлцээр нь тус аймгийн хүн амын цахилгааны байнгын хомсдолд цэг тавьж буй үйл ажиллагаа гэдгийг “Синьхуа” мэдээлж байна. Одоогоор цахилгаан дамжуулах 64 км шугамыг тавьж аль хэдийнэ дууссан бөгөөд үүний 18 км нь Хятадын нутаг дэвсгэр дээр байрлаж буй аж. Дамжуулах шугамын хөрөнгө оруулалтын хэмжээ ойролцоогоор долоон сая юань болжээ.